Muxalifet.az vz.ru-ya istinadla xəbər verir ki, İngiltərə polisi Qreys şəhəri yaxınlığında baş vermiş dəhşətli faciəni - Çindən Avropaya gələn onlarla qanunsuz miqrantın ölümünü araşdırmağa davam edir.
 Ancaq baş verənlərin sadəcə faciəvi bir qəza olduğunu söyləmək çətindir. Çox güman ki, Aİ ölkələrinə müasir qulların tədarükü üçün mükəmməl işləyən bir sistemdə kiçik bir qısaqapanmanın şahidi olduq.
Şərqi və Qərbi Avropalıların miqrantları AB ərzisinə qəbul edib-etməmək və onlarla nə etmək barədə bitməyən mübahisələrinin arxasında bu süjetin kriminal kökü hər zaman özünə diqqəti cəlb edir. Əslində geniş miqyaslı “xalqların köçürülməsi” prosesi çoxdan Avropada cinayətkar klanlar tərəfindən himayə edilən və tənzimlənən güclü bir biznesə çevrilib.
Bu, narkotik ticarəti və ya pimpingdən heç də az gəlir gətirmir, xüsusən də kriminal biznesdəki bu mövzular bir-biri ilə sıx bağlıdır. Miqrantlar həm narkotiklərin daşınmasında, həm də fahişəlik üçün və qul əməyi üçün istifadə olunur.
Rəsmi dildə bu, "insan alveri" adlanır, amma əslində bu avropalıların təxminən üç yüz il əvvəl eyni formada apardığı qadağan olunmuş qul ticarətidir. Qul ticarətinin qarşısıalınmaz hissəsi "canlı malların" daşınmasında ciddi itkilərdir. XVIII-XIX əsrlərdə bəzi uğursuz hallarda, Atlantik okeanı ilə daşınan gəmilərdə qulların 50% -ə qədəri ölürdü. Standart itkilər 10-20% idi.  
Bir neçə gün əvvəl müasir insan alverçiləri hətta köhnə qul ticarətinin standartlarına görə də uyğun sayılmayan  bir səhv etmişdilər. Belçikadan İngiltərəyə bir soyuducu yük maşını ilə daşıdıqları 39 qanunsuz Çinli miqrantın hamısı öldü. Konteynerdəki temperatur mənfi 25 dərəcəyə çatıb və orada ən az 15 saat yol gəlməyə sərf etdikləri üçün donublar. Səs izolyasiyasına görə heç kim fəryadlarını eşitməyib. Yük maşını sürücüsü yol sənədini doldurmaq üçün qısa müddətə maşını saxlayaraq, qapını açıb və huşunu itirib.
Cəsədlər İngiltərədə, Qreys şəhəri yaxınlığında aşkar edilib. Ancaq "ölüm maşını" İngiltərəyə Belçikadan bərə ilə getib. Hər iki ölkənin polisi ölümlərin harada baş verdiyini dəqiq anlamağa çalışır.
Maşının sürücüsünün şəxsiyyəti də marağa səbəb olub. 25 yaşlı Moris Robinson Şimali İrlandiyada anadan olub və  orada yaşayır. Məhz orada İngiltərə ilə sərhəddən qanunsuz mühacirlərin geniş miqyaslı ticarətini təşkil edən cinayətkar qruplar geniş fəaliyyət göstərirlər.
Buna səbəb Şimali İrlandiyanın qeyri-müəyyən ikili status daşımağıdır. Bir tərəfdən Şimali İrlandiya İngiltərənin bir hissəsidir. Digər tərəfdən, İrlandiya ilə açıq bir sərhədi var. Bu, Şimali İrlandiyanı həm Britaniya, həm də Avropa qanunlarından yan keçmənin asan olduğu boz bölgəyə çevirir. Təbii ki, burada qaçaqmalçılıq və narkotik ticarəti çiçəklənir. Son illərdə bu biznesə insan alveri də əlavə edilmişdir. Təkcə son bir il ərzində canlı mal ( insan) qaçaqmalçılığı 25% artıb.
İnsan alverini əsl beynəlxalq cinayət şəbəkəsi təşkil edir. Nigeriyadan olan dəstələr yerli İrlandiya klanları ilə sıx əlaqə quraraq afrikalı qız və oğlanları buraya daşıyırlar. Nigeriyalılar ilə yarışan Vyetnam və Alban kriminal qruplarıdır. Ənənəvi olaraq qaçaqmalçılıq, narkotik və fahişəxanaları humayə edən polislə  bağlı suallar meydana çıxır. Çünki Şimali İrlandiya Avropanın ən böyük qul bazarına çevrilməsinə baxmayaraq, hüquq mühafizə orqanları bu fenomenlə süst və çox ləng mübarizə aparır.
Sentyabrın sonunda polis Belfast şəhərətrafı bölgəsində qeyri-qanuni seks işçilərinin olduğu bir yerə basqın etdi. Fahişəxana müdiri tutuldu, amma polisin əsl sahibkar ilə heç bir işi olmadı. Bənzər bir ittiham üzrə Antrimdən bir qadın və daha beş nəfər bordel müştərisi həbs olundu. Bu, insan alverinə qarşı mübarizədə böyük uğur kimi mətbuata təqdim edildi. Ancaq bu genişmiqyaslı işin həqiqi sahiblərini birtəhər narahat edib tərpətmək üçün ən kiçik bir cəhd belə edilmədi. Çox güman ki, "müavinləri" onların yerinə həbsxanada oturacaq.
Çin diplomatları o yerə getdilər və soydaşlarının ümumiyyətlə Belçikadan İngiltərəyə bərə ilə üzərək soyuducuya necə düşdüklərini anlamağa çalışırlar.
Artıq aydınıdr ki, çinlilər Bolqarıstanın Varna limanına üz tutaraq, Avropa üzərindən səyahət edirlər. Oradan Avropanın digər ucuna - Belçikaya daşınırlar. Belçikanın Zibruqqe limanında soyuducuya girib orada gizlənirlər. Sonra soyuducu bərəyə yüklənir və Purfleet limanına gedib Robinsonun yük maşınına yerləşiblər.
Ölən 39 nəfər arasında 31 kişi və səkkiz qadın var. Ənənəvi olaraq cinayətkar qruplar çinliləri İngiltərəyə daşıyır, burada xidmət sektorunda işləməyə və fahişəliklə məşğul olmağa məcbur edirlər. Təbii ki, heç bir maaş verilmir, bu sığınacaq və qida üçün klassik bir qul əməyi hadisəsidir.
Bu faciədə diqqət çəkən şey, onun hər gün baş verməsidir. Uzun müddətdir davam edən miqrant böhranı bir zaman  problemin miqyasını ortaya qoyaraq işıqlandırıldı, ancaq tez zamanda mediadan sıxışdırılıb çıxarıldı. Bununla yanaşı, rəsmi hesablamalara görə, əsrin son dörddə birində 34 mindən çox miqrant- ildə mindən çox insan Avropaya gedərkən həyatını itirib. Əslində, gerçək rəqəmlər daha çoxdur - insanlar sənədsiz və izsiz ölürlər.
Qaçqınların axınının pik vaxtı hər yay qadın və uşaqlar da daxil olmaqla yüzlərlə miqrant Aralıq dənizində boğulur.
Təkcə 2013-cü ildən 2017-ci ilədək dənizdə 2600-dən çox insan öldü. AB rəhbərliyi Liviya hökumətinə (Qəddafinin öldürülməsindən sonra bu ölkə Afrikadakı qul ticarətinin əsas mərkəzinə çevrildi) bu problemi həll etmək üçün 2 milyard avro ayırdı.
Liviya özünəməxsus qərar verdi. Miqrantlar həqiqətən Avropanın ərazi sularında daha az batmağa başladılar. Ancaq indi Liviyanın ərazi sularında kütləvi şəkildə ölürlər. Bu da kriminal aləmin iş sxemlərindən biridir. Bəzən quldurların miqrantlara onları Avropaya göndərməyi vəd etdikdən sonra pul alıb yolda batacaq qayıq verməsi daha qazanclı olur.
Miqrant böhranından əvvəl də oxşar faciələr mütəmadi olaraq baş verirdi. 2000-ci ildə Hollandiyalı bir sürücü 60 Çinli qanunsuz mühaciri limana daşıdı və oturduqları konteynerdəki yeganə qapağı bağlamışdı.
Hollandiya limanında konteyner bir bərə üzərinə yüklənərək İngiltərənin Duvr şəhərinə göndərildi. Duvrda açılan zaman məlum olub ki, 60 nəfərdən 58-i boğulub ölüb. Sürücüyə bilərəkdən öldürməyə görə 14 il həbs verildi, ancaq bu daşımanın sifarişçisi və təşkilatçısının kim olduğunu öyrənmək mümkün olmadı.
O vaxtdan insan daşınması konveyeri qitədən İngiltərəyə qədər uzanmaqda davam etdi. Son zamanlarda dəstələr Duvr vasitəsilə qeyri-qanuni mühacirlər daşımaqdan çəkinirlər - yoxlamalar çoxdur. Bunun əvəzinə Purflit kimi kiçik limanlardan istifadə edirlər. Birləşmiş Krallığa gəldikdən sonra qeyri-qanuni miqrantlar eyni cinayətkar qruplar üçün müftə bir işçiyə çevrilir. Narkotik satırlar, fahişəliklə məşğul olurlar, "nüfuzlu" iş adamlarına məxsus restoran və otellərdə işləyirlər.
Onların iş şəraiti çox vaxt dəhşətli olur, ümidləri yaxşı həyat axtarışında  vətənlərini tərk edərək bütün əmanətlərini cinayətkarlara vermək, sadəcə vəd edilmiş Avropaya çatmaqdır. 2004-cü ildə Lancashire kriminal avtoriteti üçün çalışan 21 çinli miqrant suyun çəkilməsi zamanı midya toplamağa məcbur olmuşdu. Sahilə çıxa bilməyəndə hamısı öldü.
"Ölüm maşını" nəinki Avropada qul ticarətinin normal bir şey kimi qəbul edildiyi ictimai həyatın arxaizasiyasına işarədir. Bu həm də AB iqtisadiyyatının sürətlə kriminallaşmasının əlamətidir. Cinayət dünyası insan alverinə qarşı cəzasız olaraq pul qazanır və bu da heç kəsi təəccübləndirmir. Səbəbsiz deyil ki, bir çox Avropa ölkələrində ÜDM-də ənənəvi cinayətkarlıq fəaliyyətindən də - fahişəlik və narkotik ticarəti – gələn gəlirlərin qeydə alınması fikri hər zaman meydana çıxır. Avropa həyatının bu tərəfi demokratiyanın və insan haqlarının qızıl standartından daha çox Taxt Oyunlarının  (Game of Thrones)-in tutqun dünyasını xatırladır.
Hazırladı : Muxalifet.az