Türkiyə İŞİD cərgələrinə qoşulan və hazırda İraqda həbsdə olan vətəndaşları ilə bağlı rəsmi Bağdada müraciət edib.
Muxalifət.az xəbər verir ki, Bağdadın təklifi müsbət qarşılamadığı bildirilib.
Məlumata görə, Türkiyə XİN təmaslarından sonra İraqda 3 ayrı həbsxanada saxlanılan türklər Bağdad yaxınlığında bir yerə toplanıb. Bundan sonra həmin şəxslərin kimliklərinin təyin edilməsi istiqamətində iş aparılıb. Bu mənada qadın və uşaqlara xüsusi diqqət ayrılıb. Türkiyə həmçinin haqqında edam qərarı çıxarılmış 16 türk vətəndaşı barədə müraciət etsə də, İraq hökuməti müraciəti cavabsız qoyub. Hazırda Türkiyənin əsas diqqətinin 12 yaşdan aşağı uşaqlara yönəldiyi qeyd olunub. İraq qanunları 12 yaşdan yuxarı olanları uşaq kimi qəbul etmədiyi üçün bu yaş kateqoriyası ilə bağlı müraciətlər dəyərləndirilməyib.
Qeyd edək ki, İraq Mərkəzi Cəza Məhkəməsi Türkiyə vətəndaşı olan 16 qadını edam cəzasına məhkum edib.