Suriyalı kürdlərin müstəqil cəmiyyətlər birliyinin rəhbəri Abd əl-Əziz Tammo, Türk İrsi Vəqfinin Vaşinqton şöbəsinin dəstəyi ilə keçirilən "Geosiyasi reallıqlar və Suriyanın gələcəyi" mövzusunda paneldə, bəyanat verdi: "Türkiyənin İŞİD-ə, PKK və YPG-yə qarşı yönəlmiş “Sülh mənbəyi” əməliyyatı tamamilə qanuni əsaslara söykənir". Muxalifet.az bu barədə "REGNUM"-a istinadla bildirir. Türkiyənin “Anadolu Ajansı”agentliyinin verdiyi məlumata görə, Əbdüləziz Tammo belə qeyd etdi: “Türkiyənin İŞİD və ya başqa bir təhlükəyə qarşı sərhədlərini terror qruplaşmalarından qorumaq hüququ var. PKK və YPG Suriya kürdləri üçün İŞİD-dən az təhlükə yaratmır. Hətta PKK-nın Suriyaya aidiyyatı yoxdur, bu terrorçu təşkilatın xarici döyüşçüləri ölkəmizdə fəaliyyət göstərir”. Suriya kürdlərinin nümayəndəsi əlavə etdi: “Türkiyənin apardığı əməliyyat ilə ABŞ-ın rəhbərlik etdiyi koalisiyanın apardığı əməliyyatlar arasında ciddi fərq var. Türkiyənin apardığı əməliyyatda mülki əhaliyə zərər verməməyə maksimum diqqət yetirilsə də, ABŞ-ın apardığı əməliyyatda yer üzündən silinən Rakka şəhərini xatırlatmaq olar". Muxalifet.az