Yaponiyada Sado adasına doğru irəliləyən sürətli sərnişin gəmisinin balina ilə toqquşması nəticəsində 87 nəfər müxtəlif dərəcəli bədən xəsarətləri alıb.
Muxalifet.az “Kiodo” agentliyinə istinadən xəbər verir ki, yaralılardan 5-nin vəziyyəti ağırdır. 
Qeyd olunub ki, insident zamanı gəminin göyərtəsində ümumilikdə 121 sərnişin və 4 ekipaj üzvü olub. Balina ilə toqquşma zamanı gəminin quyruq hissəsində 15 santimetr dərinliyində çat əmələ gəlib və sualtı qanadları zədələnib.