Ən azı 17 türk hərbçisi şənbə günü Ras al-Ayn şəhərində PKK/YPG döyüşçüləri ilə döyüşlər zamanı həlak olub. Publika.az xəbər verir ki, bu haqda RİA “Novosti” agentliyinə Türkiyənin təhlükəsizlik orqanlarındakı mənbə bildirib. Mənbənin sözlərinə görə, türk əsgərlərinin əksəriyyəti snayperlərdən tərəfindən buraxılmış güllələrdən həlak olub. Mənbə həmçinin əlavə edib ki, daha yeddi hərbçi yaralanıb. Qeyd edək ki, Türkiyə Silahlı Qüvvələri və Suriya Milli Ordusu oktyabrın 9-da Suriyanın şimalında PYP/PKK/YPG terror təşkilatına qarşı “Sülh çeşməsi” (Barış pınarı) əməliyyatına başlayıb. Ras al-Ayn şəhər mərkəzi ötən gün terrorçulardan təmizlənib. Türkiyə Müdafiə Nazirliyinin məlumatına görə, indiyə kimi 525 terrorçu zərərsizləşdirilib.