Bakı şəhərinin Qaradağ rayonunda "Sədərək” ticarət mərkəzinin ərazisində anbarlardan birində baş vermiş yanğın Fövqəladə Hallar Nazirliyinin yanğından mühafizə bölmələri tərəfindən saat 10:21 dəqiqədə söndürülüb.

Yanğını söndürərkən FHN əməkdaşı xəsarət alıb, onun çiyni sınıb.

Səhiyyə Nazirliyinin mətbuat xidmətindən bildiriblər ki, o, Elmi-Tədiqat Travmatologiya və Ortopediya İnstitutuna yerləşdirilib.

Bir polis əməkdaşı isə tüstüdən zəhərlənib , ona yerində yardım edilib. /virtualaz.org/

***
09:29

Fövqəladə Hallar Nazirliyinin "112" qaynar telefon xəttinə, Bakı şəhərinin Qaradağ rayonunda “Sədərək” ticarət mərkəzinin ərazisində yanğın baş verməsi barədə məlumat daxil olub.
Nazirlikdən Muxalifet.az-a verilən məlumata görə, Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.
İlkin məlumata görə, ərazidəki anbarlardan birinin dam örtüyü yanır. Hazırda yanğınsöndürmə işləri davam etdirilir.
Əlavə məlumat veriləcək.