Rusiya ordusunun Çeçenistanda yerləşən qüvvələri həyəcan siqnalı ilə qaldırılaraq Stavropol əyalətində yerləşən poliqona göndərilib.
Təlimlərə 800 hərbi qulluqçu ilə yanaşı 200 hərbi texnika cəlb olunub. 
“Rusiya ordusunun 42-ci moto-atıcı diviziyasının bölmələri həyəcan siqnalı ilə qaldırılaraq Stavropol əyalətində yerləşən “Sernovodski” hərbi poliqonuna göndərilib. Moto-atıcı diviziya 200 kilometrlik marş həyata keçirərək hərbi atışlar yerinə yetirib. Hərbi qulluqçular qarşısında hücum və müdafiə döyüşləri zamanı cavab tədbirləri hazırlamaq, düşmənin diversiya-kəşfiyyat qruplarını aşkarlamaq, zərərsizləşdirmək və digər döyüş missiyalarının həyata keçirilməsi tapşırıqları qoyulub”, - hərbi komandanlıqdan bildirilib. 
Qeyd edək ki, təlimlər sentyabr ayının 30-na qədər davam edəcək.