MDB dövlət başçılarının Aşqabad sammitində Ermənistan baş naziri Nikol Paşinyan özünü gülməli duruma salıb. 

Adətən bu kimi dövlət tədbirlərində özünü düz-əməlli apara bilməyən, naşı siyasətçi imici qazanmış Paşinyan bu dəfə başqa bir kuryoz olaya səbəb olub. Belə ki, o, ermənipərəst rusiyalı diplomat, Rusiyanın ATƏT-in Minsk Qrupundakı keçmiş səfiri (1992-96) Vladimir Kazimirovun “Mir v Karabexe” (“Qarabağda sülh”) kitabını Rusiya prezidentinə təqdim eləmək üçün həqiqi mənada onu qapıda pusub, Putinin iclas zalından çıxmasını gözləyib. Rusiya prezidenti sammitin keçirildiyi zaldan çıxan kimi isə uşaq kimi onun qabağına qaçaraq Kazimirovun cızma-qarasını cəld Putinə təqdim edib. 

Yayılan videodan göründüyü kimi, erməni baş nazirin  bu qəfil hərəkətindən Rusiya lideri heç də məmnun qalmayıb və üzündə süni təbəssüm yaradaraq, Nikolu bir növ, başından edib. 

Fakt hətta Ermənistan KİV-də Paşinyana qarşı iradlara səbəb olub. //musavat