Ermənistanın Xarici İşlər Nazirliyi Rusiya Prezidenti Vladimir Putin, Azərbaycan Prezidenti İlham Əliyev və Ermənistan Baş naziri Nikol Paşinyanın birgə mümkün görüşü barədə yayılan məlumatları təsdiq etməyib.
Muxalifət.az “Novosti Armeniya”ya istinadla xəbər verir ki, Ermənistan XİN sözçüsü Tiqran Balayan hazırda üçtərəfli formatda görüş barədə razılıq olmadığını deyib.
“Hazırda belə bir razılaşma yoxdur”, - deyə Tiqran Balayan söyləyib.
Xatırladaq ki, son vaxtlar Ermənistan KİV-lərində Putin-Əliyev-Paşinyan görüşünün olacağı barədə xəbərlər tirajlanır.