Rusiya prezidentliyinə namizəd Kseniya Sobçak “Rusiya 1” telekanalının efirində baş tutan debat zamanı göz yaşlarını saxlaya bilməyib.
Axar.az “Kommersant”a istinadən xəbər verir ki, K.Sobçak digər namizədləri, o cümlədən Rusiya Liberal-Demokrat Partiyasının (RLDP) rəhbəri Vladimir Jirinovskini yalnız onun sözünü kəsməkdə ittiham edib.
 “Mən Mərkəzi Seçki Komissiyasına müraciət edəcəyəm. Hesab edirəm ki, bu, ədalətsizlikdir. Bu insanlar yalnız məni incidirlər. Tələb edirəm ki, vaxtımı geri qaytarasınız”, - deyə K.Sobçak bildirib.
Bu an Jirinovski ona lağ edərək, "Get, ananı gətir" deyə söz atıb.
Xanım namizəd həmçinin aparıcı Vladimir Solovyovu da ittiham edərək deyib ki, o, naşı və onu təhqir edən insanların studiyaya gəlməsinə icazə verir.
Aparcı isə özünü müdafiə edərək, bu debata müdaxilə haqqının olmadığını vurğulayıb.
Sonra Sobçak ağlayaraq studiyanı tərk edib.

Siyasətçilər sərt qanunlara hazır olmağı bacarmalıdır.
Bu sözləri Liberal-Demokratlar Partiyasının sədri Vladimir Jirinovski Kseniya Sobçakın seçkiqabağı debat zamanı ağlamasına münasibət bildirərkən deyib.
 “Əgər rus siyasətçi sərt qanunlara hazır deyilsə, onda kariyerasına başlamasa daha yaxşıdır. Jurnalist kimi sual vermək və ya əyləncə şoularına çəkilmək daha asandır, çünki bu zaman onları heç kim incitmir”, - Jirinovski bildirib.
Qeyd edək ki, debatlar zamanı Jirinovski ilə Sobçak bir neçə dəfə toqquşub. Hətta Sobçak debatda Jirinovskinin üzərinə su atdığına görə hücuma da məruz qalıb.