İspaniyada yaşayan tanınmış azərbaycanlı idmançı “Qarabağ” İdman Klubu açdı. 
Bu barədə məlumatı diaspor üzrə ekspert Elnur Eltürk verib. “Klubun rəhbəri Şamo Eyvazov peşəkar kikboksinq üzrə İspaniya çempionudur. Vətənpərvər və ürəyi Azərbaycanla döyünən insandır. Bu onun çoxdan ki, arzusu idi. Məqsəd klubda həm idmançı yetişdirmək, həm də “Qarabağ”ın adını yaşatmaqdır. Xüsusilə, klub adında nüfuzlu yarışlara idmançıları çıxarmaqdır. Şamo Eyvazov 20 aprel 1992-ci ildə Neftçala rayonu Qaçaqkənd kəndində anadan olub. 2009-cu ildə Neftçala rayonunun Qaçaqkənd kəndində Nəriman Bəşirov adına tam orta məktəbini bitirib. 10 ildən çoxdur ki, ailəsi ilə birlikdə İspaniya Kantabriya vilayətinin Torrelaveqa şəhərində yaşayır. Şamo bu günə qədər 64 döyüş keçirib. Onun 51-i qələbə ilə başa çatıb”. /cebhe.info