“Almaniya, Fransa və Avropa Birliyinin digər ölkələri Ukraynaya daha çox pul ayırmalıdırlar”.
 
TASS xəbər verir ki, bunu ABŞ prezidenti Donald Tramp söyləyib.
 
Onun sözlərinə görə, hazırda Ukraynada bir çox problem var. "Niyə biz pul xərcləyirik, amma AB ölkələri etmir? Bizimlə müqayisədə az xərcləyirlər və mən bundan məmnun deyiləm”, Tramp deyib.
 
Xatırladaq ki, iyun ayında ABŞ Senatı Pentaqona Ukraynanın müdafiəsi üçün 300 milyon dollar ayırmağa icazə verdi. Bildirildi ki, bu məbləğə görə Kiyev hazırkı təlim proqramları üçün avadanlıq, snayper tüfəngləri və qumbaraatanlar, radarlar, rabitə vasitələri və gecə görmə cihazları alacaqdır.
 
ABŞ-ın müdafiə idarəsindən keçən vəsaitlərlə yanaşı, 2019-cu ildə Ukrayna Dövlət Departamenti vasitəsilə 445 milyon dollar qazanacaq. Bu vəsaitləri nəzərə alsaq, son beş ildə ABŞ-ın yalnız Ukrayna ordusunun inkişafı üçün ayırdığı pulun ümumi miqdarı 1,5 milyard dollardan çox olmuşdur.
 
Muxalifet.az