FETÖ lideri Fətullah Gülənin yaşadığı Pensilvaniyadakı düşərgəsini “Uzun Cövdət” ləqəbli daşınmaz əmlak kralı Cövdət Türkyolu maliyyələşdirir.

Muxalifət.az axar.az-a istinadən xəbər verir ki, sözügedən şəxsin Pensilvaniya və Floridada yüz minlərlə dollar dəyərində 7 evinin, Türkiyədə isə qohumlarının adına keçirdiyi 39 mülkünün olduğu aşkarlanıb.

Məlumata görə, düşərgədəki qruplaşma üzvlərinin fəaliyyətinə də məhz Türkyolu rəhbərlik edir. Gülənin Mebrukə adlı qohumu ilə evli olan Türkyolu illərdir FETÖ liderinə ən yaxın şəxs olaraq tanınır.

Gülənin ən məhrəm sirlərinə bələd olan və qruplaşma daxilində “Uzun Cövdət” olaraq tanınan Türkyolu FETÖ-nun qeyri-qanuni kassasına nəzarət edir və milyonlarla dolları Gülənin təlimatları ilə müxtəlif sahələrdəki ticarət işlərinə yönəldir.