BAKIDA HAMINI DƏHŞƏTƏ SALAN BUYNUZLU TURİST: “Məndən axı niyə qorxurlar?” - FOTO

Baxış sayı:
9193

Son günlər Bakıda qəribə görünüşü ilə diqqət çəkən turist müzakirələrə səbəb olub. Bir neçə şəxs onun fotosunu sosial şəbəkələrdə paylaşaraq öz fikirlərini bildiriblər. Həmin şəxs üzərində çoxlu pirsinq və tatular, hətta alınında iki buynuzu olan almaniyalı turistdir. Muxalifet.az-ın verdiyi xəbərə görə, 60 yaşlı Rolf Buchholz oktyabrın 3-də Aşqabaddan Bakıya gəlib və paytaxtın bir çox turistik yerlərindən fotolar çəkərək paylaşıb. Almaniyanın Dortmund şəhərində yaşayan proqramist Rolf dünyanın bir çox ölkəsinə səyahət edib və əksər yerlərdə diqqət cəlb edib, yerli sakinlər onunla dəfələrlə foto çəkdirib. Buchholz müsahibələrinin birində bildirib ki, bu görünüşü həyatında ona çox da problem yaratmayıb: “Bəzən buynuzlarla bağlı fərqli reaksiyalar olur. Məsələn, Dubaya gedəndə buna görə məni ölkəyə buraxmadılar. Elə aeroportdan təyyarəyə oturdub Almaniyaya geri göndərdilər”. Bədənində 453 pirsinq ilə dünyada bədənində ən çox deşik olan adam kimi tanınır. Bu göstərici ilə Ginnesin rekordlar kitabına adı düşüb. Təkcə dodaqlarında 94 pirsinq var. Rolf ən böyük probleminin hava limanlarında detektordan keçmək olduğunu deyib.//Qafqazinfo