Microsoft-un həmtəsisçisi Bill Geyts bildirib ki, süni intellektin bir milyard insanın ölümünə səbəb ola biləcək hadisələrə səbəb olmaq potensialı var.

Musavat.com xarici mediaya istinadla xəbər verir ki, o, ABŞ hökumətini və qanunvericiləri bu texnologiya üçün məcburi təhlükəsizlik tədbirləri və nəzarət mexanizmləri tətbiq etməyə çağırıb.

Bildirilir ki, B.Qeyts bu şərhləri 25 sentyabrda, süni intellekt inkişaf etdiricilərinin insanların məhv olma riski ilə bağlı xəbərdarlıqlarına cavab olaraq bildirib.

Qeytsin sözlərinə görə, süni intellekt çoxlu insan tələfatına səbəb olacaq fəlakətli hadisələrə səbəb ola bilər. O, xüsusilə də ən son süni intellekt alətlərinin pis niyyətli insanlar tərəfindən istifadəsini ciddi təhlükə kimi qeyd edib.

Eyni zamanda, Microsoft-un həmtəsisçisi bütün bəşəriyyəti məhv etməyin daha çətin olacağını qeyd edib.

“Heç kim özünütənzimləmənin kifayət edəcəyinə inanmır”, - deyə o bildirib.

Qeytsin xəbərdarlıqları süni intellekt agentlərinin kompüter sistemlərinə müstəqil şəkildə daxil olması barədə xəbərlər fonunda gəlir.