Vaşinqton Almaniyada hərbi kontingentini azaltmağı planlaşdırmır.
Muxalifet.az xəbər verir ki, bu sözləri ABŞ administrasiyasının adı açıqlanmayan nümayəndəsi deyib.
“Almaniyada yerləşdirilən 32 min civarında ABŞ hərbi kontingentinin azaldılması ilə bağlı hər hansı danışıq olmayıb”, - deyə bildirilib.
Qeyd edək ki, diplomatik mənbələr D.Trampın Almaniyanın hərbi büdcəni artırmaqdan imtina etməsi qarşılığında amerikalı hərbçilərin bu ölkədən çıxarılması ilə bağlı qərar verəcəyini bildirmişdi.