Rusiyanın xarici işlər naziri Sergey Lavrov Vyetnama rəsmi səfəri zamanı, Vayday Beynəlxalq Müzakirə Klubunun görüşündəki çıxışında çoxqütblü yeni bir dünya sisteminin yaranmağa başladığını bildirərək deyib: “Beynəlxalq hüquqi zəmin bölünür, ABŞ isə hər şeyi parçalayır”.
Lavrov BMT Təhlükəsizlik Şurasının dünyanın inkişaf etməkdə olan regionlarını kifayət qədər təmsil eləmədiyini vurğulayıb: “BMT TŞ ilə bağlı islahatlar aparmağın vaxtı keçməkdədir. Çünki Asiya, Afrika və Latın Amerikasındakı inkişaf edən bölgələri yetərincə təmsil edə bilmir”.
Lavrov bir çox qlobal məsələlərdə Avropa İttifaqının “qınına çəkildiyini” iddia edərək deyib: “Artıq dünyada çoxqütblü bir sistemin yaradılmasından bəhs edirik. Beynəlxalq hüquqi zəmin bölünür, ABŞ isə hər şeyi parçalayır. Avrasiyanın bəzi bölgələrinə baş verən hadisələr qınına çəkilmək kimi qiymətləndirilə bilər. Biz isə əhatəli bir prosesin başlanması üçün addımlar atmaq niyyətindəyik”.
Qərb ölkələrinin qaçqınlar məsələsində lazımi addımları atmadığını bildirən Lavrov deyib: “Liviyanı bombalayıb qara dəlik halına gətirən biz deyilik. İndi də ölkədəki terrorçu fəaliyyətlərlə əlaqədar şimala köç başlayıb. Məsuliyyət daşıyanların bu məsələ ilə məşğul olmasını məsləhət görürük”.