Tovuzda güllələnən sabiq məhkəmə sədri xəstəxanada öldü

Baxış sayı:
238

Tovuz rayonunda güllələnən sabiq məhkəmə sədri xəstəxanada ölüb.

Məlumata görə, rayon sakini, 1963-cü il təvəllüdlü Ələkbərov Firudin Muxtar oğlunu həmyerlisi, 1959-cu il təvəllüdlü Şəmiyev Əli Məhərrəm oğlu güllələyib. F.Ələkbərli 3 güllə yarası alıb və xəstəxanaya yerləşdirilib. Həkimlərin səyinə baxmayaraq onun həyatını xilas etmək mümkün olmayıb.

Hadisəni törədən Ə.Şəmiyev polis tərəfindən saxlanılıb.

***

Tovuz rayonunda güllələnən Firudin Ələkbərli vəkil deyil.

Bu barədə Azərbaycan Vəkillər Kollegiyasından bildirilib.

"Report"un əldə etdiyi məlumkata görə, güllələnən F.Ələkbərli Tovuz Rayon Xalq Məhkəməsinin (indiki Tovuz Rayon Məhkəməsinin) sabiq sədridir. O, 1995-ci ildə fəaliyyətində qanunun kobudcasına pozulmasına görə vəzifədən azad edilib və xalq hakimi səlahiyyətindən vaxtından əvvəl məhrum olunub.

*** 
Tovuz rayonunda vəkil güllələnib.

"Report"un Qərb bürosunun məlumatına görə, Firudin Ələkbərli naməlum şəraitdə odlu silahdan açılan atəş nəticəsində xəsarət alıb.

O, Tovuz Rayon Mərkəzi Xəstəxanasına yerləşdirilib.

Faktla bağlı araşdırma aparılır.