​"İnam Kərimovun qəbuluna gedib, orada intihar edəcəyəm" - GÖYÇAYLI SAHİBKARDAN ŞOK MÜRACİƏT / Video

Baxış sayı:
1391

Göyçay  rayonu, Bığır kənd sakini, sahibkar Mayılov Çingiz Sabir oğlu tərəfindən Muxalifet.az-ın redaksiyasına şikayət məktubu daxil olub. Şikayətçinin məktubunu və video-müraciətini olduğu kimi təqdim edirik:
"Kənd Təsərrüfatı Nazirliyinin yüksək vəzifəli əməkdaşı məni intihar həddinə çatdırıb.
Belə ki,  cənab prezidentin çıxışından sonra mən həvəslənib qonşu Gürcüstan respublikasından "Georgi LTD" şirkətindən qanunu qaydada orqanik üzvü gübrə gətirdim. Hansı ki, həmin təbii orqanik üzvü gübrənin Azərbaycan respublikasına gətirilməsinə zərurət var idi. 
"Aqrolizinq"in baş idarəsinin göstərişi ilə həmin uğurla sınaqdan çıxmış manatlıq gübrəni         nisiyə "Aqrolizinq"in rayonlardakı şöbələrinə verdim. Deyilən vaxt gəldikdə pulumu vermək istəmədilər, məni get-gələ saldılar. Buna görə, Ağdaş rayonunda Kənd Təsərrüfatı naziri cənab İnam Kərimovun qəbulunda oldum. O, mənim pulumun verilməsi üçün "Aqrolizinq"in baş idarəsinin rəhbərinə orada tapşırıq verdi.
Ancaq cənab nazirin tapşırığına əməl olunmadı. Bundan sonra  Ağdaş rayonunda Kənd Təsərrüfatı naziri cənab İnam Kərimovun qəbulunda oldum. Cənab Nazirin tapşırığından sonra 45 000 manat pulum verilsədə, 75000 manat pulumu qanunsuz olaraq vermədilər.
Bütün bu qanunsuzluğu mənim başıma gətirən Kənd Təsərüatı Nazirliyinin maliyyə şöbəsinin müdiri Mikayıl Nuriyevdir.
Bu adam talançılqla məşğul olub, özünü quldur kimi aparır. Artıq mən həyatımdan bezmişəm. Buna görə də məcbur olub 28 fevral 2020-ci il tarixdə Ucar rayonunda Kənd Təsərrüfatı Naziri İnam Kərimovun qəbuluna gedib, orada intihar edəcəyəm. Kənd Təsərüatı Nazirliyinin maliyyə şöbəsinin müdiri Mikayıl Nuriyev öz qanunsuz əməlləri ilə məni intihar həddinə çatdırıb.
Qeyd edim ki, Kənd Təsərrüfatı Naziri İnam Kərimov 28 fevral 2020-ci il tarixdə Ucar rayonunda vətəndaşların qəbulunu keçirəcək. Mən və ailəm həyat yoldaşım və övladlarım Yeni Azərbaycan Partiyasının üzvləriyik.
Mən mətbuat vasitəsi ilə Prezident cənab İlham Əliyevə və Kənd Təsərrüfatı Naziri cənab İnam Kərimova müraciət ünvanlayıb xahiş edirəm mənim 75000 manat pulumun Mikayıl Nuriyevdən alınaraq özümə verilməsinə köməklik göstərəsiniz.Əgər mən 28 fevral 2020-ci il tarixdə Ucar rayonunda nazirin qəbulu zamanı intihar edib ölərəmsə bunun məsuliyyəti bir başa Kənd Təsərüatı Nazirliyinin maliyyə şöbəsinin müdiri Mikayıl Nuriyevin üzərinə düşəcək".



Muxalifet.az
Redaksiyadan: Qarşı tərəfin mövqeyini dərc etməyə hazırıq.