Suriyanın Duma şəhərindəki kimyəvi hücumun arxasında Rusiya yox, İran dayanır.
Bu sözləri öz Feysbuk səhifəsində rusiyalı hərbi ekspert Anatoli Nesmiyan paylaşıb.
 “Dumanın Suriya vertolyotları tərəfindən bombardmanı zamanı çəllək bombalarından istifadə edilib. Onlardan bəzilərində xlor tərkibli maddə, bəzilərində isə təkcə xlor olub. Ona görə də bu hücumda Əsədlə Rusiyanı yox, Əsədlə İranı ittiham etmək daha məntiqli olardı. Məhz İran Dumada əməliyyatlar keçirir və Əsədin Hərbi Hava Qüvvələrini tam olaraq nəzarətdə saxlayır”, – deyə o bildirib.
Qeyd edək ki, ötən gün Şərqi Qutanın Duma ərazisində kimyəvi silahdan istifadə edildiyi, ən azı 80 nəfərin öldüyü, minlərlə insanın zəhərləndiyi haqqında xəbər yayılmışdı.
İnsidentlə bağlı BMT TŞ-nin təcili toplantısı çağırılıb./axar/