Afrika Gözəllik Müsabiqəsində birinci seçilən Konqo gözəli Dorcas Kasindenin saçları hər kəsin gözü qarşısında alışıb yanıb.
Muxalifet.az xarici mətbuata istinadən xəbər verir ki, model gözəllik tacını taxmağa hazırlanarkən səhnədə atəşfəşanlıq baş verib. Bu zaman modelin saçına alov düşüb. Nəticədə, onun xoşbəxtliyi bir anda qorxu dolu anlara çevrilib. Afrika gözəli alovlanan saçları söndürüldükdən sonra tacını taxaraq qəzanın ötüşdüyü barədə video yayımlayıb.
Bir çox Afrika ölkəsində canlı yayımlanan gözəllik müsabiqəsindəki bu bədbəxt hadisəyə yüz minlərlə insan ekranlardan şahid olub.