İndi 42 yaşı olan hollandiyalı Sara Forsit tibb bacısı olduğu dövrdə silah gücü ilə qaçırıldığından danışıb.
Muxalifet.az “Ölkə.Az”-a istinaden xəbər verir ki, Sara qaçırıldıqdan bir gecə sonra Amsterdamdakı məşhur “Qırmızı fənərlər” küçəsində 20 kişi ilə cinsi əlaqədə olmaq məcburiyyətində qalıb.
Hadisə 1990-cı ildə baş verib. 20 kişi ilə cinsi əlaqəyə məcbur edilən tibb bacısına yemək üçün bir ovuc “M & Ms” verilib.
Seks köləsi olduğu vaxt yaşadığı dəhşətlərdən hələ də narahatlıq keçirən Sara ona ən çox təsir edən şeyin özü kimi qaçırılan Taylandlı qız olduğunu deyib:
“Çox pul qazandırmayan gənc qızı cəzalandırdılar. Onu şəhərin kənarındakı bir anbara aparıb döydülər. Bunu videoya çəkib bütün qızlara göstərirdilər”.
Sara yaşadıqlarını unutmaq üçün kokain iynəməyə başlayıb. 1997-ci ildə isə Hollandiya polisi qadın alveri qruplaşmalarının həbsinə başlayıb və Sara bütün əsir qadınlarla birlikdə qaçıb. O, Belçikada bir evə gedib və illər boyu görmədiyi anasına qovuşub.
Sonra isə Sara Hollandiya məhkəməsində qadınları fahişəliyə məcbur edən insanlara qarşı ifadə verib və faktları təqdim edib.