Artıq təcili yardım avtomobilləri çağırışa gecikmədən çata biləcəklər. Çünki, Bakıda təcili yardım avtomobilləri üçün xüsusi zolaqlar olacaq. Bu zolaqlar vasitəsi ilə həmçinin avtobuslar və digər xüsusi nəqliyyat vasitələri də hərəkət edəcəklər.
Çağrışa gedən təcili yardım maşınına heç bir sürücü yol vermir. Görüntülər bir müddət əvvəl Bakıda çəkilib.
Artıq bu kimi problemlərin aradan qaldırılması üçün Bakıda təcili yardım maşınları üçün ayrıca hərəkət zolağı yaradılacaq. Bununla da təcili yardım maşınlarının çagrışa vaxtında çatması problemi aradan qalxacaq.
Bakı nəqliyyat agentliyi xüsusi hərəkət zolaqlarının çəkilməsi barədə təkliflər irəli sürüb. Hazırda Bakıda iki küçədə olan xüsusi zolaqlardan gələckdə daha 9 ünvanda istifadə edilməsi nəzərdə tutulur.
Muxalifet.az Xəzər Xəbər-ə istinadən xəbər verir ki, ictimai nəqliyyat vasitələri üçün nəzərdə tutulan xüsusi zolaqlar operativ nəqliyyat vasitələrinin də işini asanlaşdıracaq.
Qeyd edək ki, hazırda paytaxtın Yusif Səfərov və Füzuli küçələrində xüsusi zolaqlar tətbiq edilib.Cərimələrin olmasına və xəbərdalıqlara baxmyaraq tıxac zamanı hələ də əksər sürücülər həmn zolaqlara daxil olur.