Bakıda həyat yoldaşı narkotik aludəçisi olan gənc qadın yaşadığı məişət zorakılığından danışıb.
A24.Az-a öz həyat hekayəsindən bəhs edən qadın bir övladı ilə çətin günlər yaşadığını bildirib.
“19 yaşımda sevdiyim oğlanla qoşulub qaçdım. Sonra bizim toyumuz oldu. Mən onun narkoman olduğunu bilmirdim. Müxtəlif dərmanlar içirdi. Mən soruşanda deyirdi ki, ağrı kəsicidir, həkim yazıb. Sonra bir gün qəzaya düşdük. Onun sükan arxasında ürəyi getmişdi. O gündən sonra bildim ki, yoldaşım narkotik qəbul edir. Elə ən pis günlərimiz də bundan sonra başladı. Evdəki bütün əşyaları satıb narkotik alırdı. Məni hər gün döyüb, qohumlardan pul istəməyimi tələb edirdi. Üzümdə iz qalmasın deyə ancaq başıma-başıma vururdu. Bir vaxta qədər dözdüm. Bir dəfə atamgildə bir neçə gün qaldıqdan sonra evə qayıtdım. Otaqda istifadə edilmiş qoruyucu gördüm. Amma yoldaşım xəyanəti boynuna almadı. Hələ də inana bilmirəm ki, o, günlər geri də qalıb. Evdən qaçıb getdim. Mən evdən getməsəydim onu öldürəcəkdim”.