“BU ƏXLAQSIZ TİPƏ 24 SAAT VAXT VERİRƏM!” – “Sən kimsən ki, Rusiya Prezidentini aeroportda qarşılamırsan?!” / YENİLƏNİB

Baxış sayı:
759

Sən kimsən ki, (Paşinyanı nəzərdə tutur) Rusiya Prezidentini hava limanında qarşılamırsan? Şəxsiyyətindən asılı olmayaraq, Putin, Medvedev, Yeltsin ... Kimsən ki, belə hörmətsizlik göstərirsən?!"

Azpolitika.info xəbər verir ki, bunu Ermənistanın Respublika Partiyasının sədri, ölkənin üçüncü Prezidenti Serj Sarqsyan Baş nazir səlahiyyətlərini icra edən Nikol Paşinyanın açıqlamalarını şərh edərkən söyləyib.

“Bu əxlaqsız tipə 24 saat vaxt verirəm - ya faktları təqdim etsin, ya da özü və ailəsi haqqında cəmiyyətin üzünə tüpürəcəyi həqiqətləri yayımlayacağam”, - Sarsyan şantaj dilində danışıb.

“İllərdir yalan məlumatlar yayırlar. Prezident olduğumu nəzərə alaraq reaksiya verməyə ehtiyac görmədim. Ancaq o (Nikol Paşinyan - red.) boş-boş danışır. Hər zaman "əgər" istifadə etdiyini gördük. Bu əxlaqi canavara 24 saat vaxt verirəm: ya o, faktları təqdim edəcək, ya da onun özü haqqında, ailəsi ilə bağlı cəmiyyətin üzünə tüpürəcəyi faktları dərc edəcəyəm”- deyə Sarqsyan açıqlamasında bildirib.

Sabiq Prezident qeyd edib ki, Milli Təhlükəsizlik Xidməti üç ildir Paşinyana tabedir. “Anlamadan cəfəngiyyat danışır. Badendə bir casino 19-cu əsrdən bəri mövcuddur, lakin kazinolardan daha çox muzeylər var. Nəinki dostlarım, hətta yüzlərlə insan daim kazino küçəsindən keçdiyimi təsdiq edə bilər. “Baden” özü bir sənət qurumu, mədəniyyət və sənət inciləri ilə tanış ola biləcəyiniz bir mədəniyyət şəhəridir. Monakoya gəlincə, son 15 ildə orada olmadım, yoxlamaq asandır, qoy yoxlasınlar... Yenə də onlara 24 saat vaxt verirəm.” 

Xatırladaq ki, Sarqsyanı dövlətin külli miqdarda vəsaitlərini havaya sovurmaqda, mənimsəməkdə ittiham edən Paşinyan, hətta bu pulların kazinolarda xərcləndiyinə də eyham vurmuşdu: “Əsgərlərdən oğurlanan milyonları Monte-Karlodakı kazinoda uduzsaydın, özünü güllələyərdinmi?...”

***

Ermənistanda iyunun 20-də keçiriləcək növbədənkənar parlament seçkiləri ərəfəsində misli görünməmiş dərəcədə sərt, gərgin kampaniya gedir. Tərəflər kampaniya başlayan kimi bir-birlərinin ünvanına təhqirlər yağdırmaqdadırlar. Tərəflər dedikdə isə burada əsasən baş nazir Nikol Paşinyanla keçmiş prezidentlər Robert Köçəryan və Serj Sərkisyan nəzərdə tutulur. Hərçənd seçkilərə onlarla partiya və blok qatılıb, Sərkisyanın özü isə seçki siyahısında yer almır, o, Milli Təhlükəsizlik Xidmətinin keçmiş rəhbəri Artur Vanetsyanın kampaniyasına (Sərkisyan və Vanetsyanın partiyaları bir blokda birləşib) dəstək verir.

 

Reytinqinin sürətlə aşağı düşdüyünü, hakimiyyət strukturlarında çalışanların ondan sürətlə üz döndərdiyini görən Paşinyan əsasən keçmiş prezidentləri sərt təhqir və tənqid yağışına tutur. Ötən gün o, Serj Sərkisyanın Monte Karlo kazinosunda milyonlarla dollar uduzması haqda məsələni növbəti dəfə yada salıb. Cavab olaraq Serj Sərkisyan ona sübut təqdim etmək üçün 24 saat vaxt verib.

Sərkisyan deyib ki, “kazino” və “qumarbaz” yarlıqları hələ onun prezidentlik dövründə dövrədədir. “Mən o vaxt cavab vermirdim, çünki prezident idim. Təhlükəsizlik xidməti mənə tabe idi və opponentlərim deyərdi ki, biz faktları gizlədirik və s. Lakin Paşinyan çox uzağa getdi. İndi mən sizin qarşınızda bəyan edirəm: 24 saat vaxt verirəm. O, ya faktları təqdim etməlidir, ya da mən onun və ailəsinin haqqında elə faktlar açıqlayacam ki, cəmiyyət üzünə tüpürəcək. Faktları təqdim etməsə ona divan tutacam”,-Sərkisyan seçicilər qarşısında çıxışı zamanı deyib.

 

Paşinyan ötən gün Sərkisyana həm də “sutenyor” və “insan alverçisi” demişdi. Bu, Sərkisyanın Paşinyana oğlu Aşotu Azərbaycanda saxlanılan 20-25 erməni əsgərinə dəyişdirmək təklifinə cavab olaraq deyilmişdi. Paşinyan bildirmişdi ki, oğlunu Azərbaycanda saxlanılan erməni əsgərlərinə dəyişməyə hazırdır, amma bu işlə bağlı danışıq aparmaq səlahiyyətini Sərkisyanla Köçəryana verir. Çünki onlar adam alveri işində püxtələşiblər, üstəlik Sərkisyan uzun illərin “sutenyorudur”.

“Sutenyor” söhbətinə Sərkisyanın cavabı hələ məlum olmasa da müttəfiqi Vanetsyan özünün Facebook səhifəsində Paşinyanı təhqir edib. “Qulaq as, dezertir, sən kimsən axı müharibəni udmuş Qarabağ qəhrəmanının, prezidentin adını təhrif olunmuş formada çəkirsən? Mən səninlə işləmişəm, indi isə Serj Sərkisyanla işləyirəm. Və məndə belə təəsürat yaranıb ki, sanki mal tövləsindən akademiyaya düşmüşəm. Sən miskin kapitulyant. Öz günahlarında o qədər boğulursan, o qədər piy əritmisən və tər tökmüsən ki, hər yerdə iy verirsən. Get, sadəcə olaraq qaç. Bu, mənim sənə sonuncu dost məsləhətimdir”,-Vanetsyan bildirib.

 Bəzi təhlilçilərə görə, Ermənistanda bu cür gərgin siyasi mühit seçkilərin nəticələrinin necə olmasından asılı olaraq vətəndaş müharibəsinə də gətirib çıxara bilər./Virtualaz.org