​Zakir Qaralov: "Bu adamlar xarici maşınları necə alır və mühafizəçilər saxlayırlar?"

Azərbaycanın baş prokuroru Zakir Qaralov hesab edir ki, müxalif siyasi partiyalar və bir sıra qeyri-hökumət təşkilatları (QHT) maliyyə şəffaflığı tələblərini pozur.
 
Muxalifet.az-ın məlumatına görə, baş prokuror jurnalistlərə deyib: “Özünü müxalifət adlandıran, heç bir hüquqi qeydiyyatdan keçməyən QHT-lər, siyasi partiyalar aldığı qrantlar barədə məlumat vermirlər. Biz də məcbur olduq ki, bir sıra tədbirlər görək. Bu sahədə Azərbaycanda qanunvericilik təkmilləşdirilib. Onlar hər hansı qeyri-qanuni yolla Azərbaycanda həmin pulları ala bilmirlər. Ona görə də digər ölkələrdə hesablar açmaqla bunu həyata keçirirlər. Bu da qanunsuzdur”.
 
 O bildirib ki, bu halların qarşısı tam ciddiliklə alınıb: “Gələcəkdə də bu halların qarşısı alınacaq. Həmin yoldaşlara sual olunur, onlar on illərlə hər hansı bir qurumda işləməyərək cangüdənləri necə saxlayır, müxtəlif avtomobilləri hansı pulla alırlar, xaricə səfərləri nəyin hesabına edirlər? Həmin qüvvələr maliyyə hesabatları vermirlər.
 
...Bəziləri qanundan danışırlar, amma özləri bu cür qanunsuz qrant korrupsiyasına qoşulublar. Onlar bilməlidirlər ki, son dövrlərdə baş verən hadisələr, aşkar edilən vəsaitlərin mənbələri bizim tərəfimizdən müəyyən ediləcək. Hesab edirəm ki, artıq bu qurumların tam genş şəkildə maliyyə mənbələrinin ciddiliklə yoxlanılmasını təmin etməyin vaxtı çatıb”.