Türkiyədə koronavirusdan ölənlərin sayı 214 nəfərə çatdı - BİR GÜNDƏ 46 NƏFƏR ÖLDÜ

Baxış sayı:
481

Türkiyədə yeni növ koronovirusdan (COVID-19) ölüm sayı 214 nəfərə çatıb.

Türkiyə Səhiyyə Nazirliyinin https://covid19.saglik.gov.tr/ saytında koronavirus haqqında gündəlik məlumat verən sistemin məlumatlarında bu barədə bildirilib.

Məlumatda qeyd olunub ki, bu gün 46 koronaviruslu xəstə ölüb və son 24 saatda 15 422 şübhəli koronavirus testindən keçib, onlardan 2704-nün cavabı müsbət çıxıb. Bununla da Türkiyədə koronavirusa yoluxanların sayı 13 531-ə çatıb.

Bu infeksiyaya yoluxanlar arasında indiyədək 243 nəfər müalicə olunub.

Türkiyənin Səhiyyə naziri Fəxrəddin Qoca bildirib ki, əvvəlki günlə müqayisədə Türkiyədə koronavirus infeksiyasına yoluxanlarla bağlı aparılan analizlərin sayı 25,2 faiz artıb, test müayinələri aparan mərkəzlərin sayı isə 75-ə çatıb.