Mədəniyyət nümayəndələri Milli İncəsənət Muzeyinin bağında yerləşən “Güllələnmiş heykəlləri” ziyarət ediblər.

”Report” xəbər verir ki, tədbirdə çıxış edən Mədəniyyət naziri Əbülfəs Qarayev tezliklə torpaqlarımızın erməni işğalından azad olacağını və Milli Musiqi Gününün Şuşanın Cıdır düzündə qeyd ediləcəyini bildirib.

”Şuşada ucaldılmış bu heykəllər erməni təcavüzünə uğrayıb. Onlar da bizim kimi əziyyət çəkirlər. Müvəqqəti olaraq burada yerləşən Bülbülün, Natavanın, Üzeyir Hacıbəylinin heykəli öz yerlərinə bərpa olunacaq”.