ƏRDOĞANIN İQAMƏTGAHININ ŞƏKLİNİ ÇƏKDİLƏR, HƏBS OLUNDULAR… - İsrail dövləti iki vətəndaşını aparmaq üçün İstanbula təyyarə göndərdi / Yenilənib

Baxış sayı:
319

Xəbər verdiyimiz kimi, İsrail Türkiyə prezidenti Rəcəb Tayyib Ərdoğana İstanbuldakı iqamətgahının şəklini çəkdiyi üçün həbs edilən Natali və Mordi Oknin cütlüyünün həbsdən azad olunmasına kömək etdiyinə görə təşəkkür edib.
Qafqaz.media bildirir ki, casusluqda şübhəli bilinərək Türkiyədə saxlanılan israilli cütlük İstanbuldakı prezident sarayının fotosunu çəkdikdən sonra, cümə axşamı səhər tezdən sərbəst buraxılıb və hökumətin onları evə gətirmək üçün göndərdiyi şəxsi təyyarə ilə İsrailə qayıdıb.
İsrail baş naziri Naftali Bennett və XİN rəhbəri Yair Lapid azadlığa buraxıldıqlarını açıqlayarkən, "Türkiyə ilə birgə səylərdən sonra Mordi və Natali Oknin həbsdən azad edildi və İsrailə evlərinə gedirlər", - dedi.
“Biz Türkiyə prezidenti Ərdoğana və onun hökumətinə əməkdaşlığa görə təşəkkür edirik və cütlüyü vətəndə qarşılamağı səbrsizliklə gözləyirik”, - deyə açıqlamada İsrail prezidenti İsaak Hersoqun məsələnin sona çatması üçün göstərilən səylərə mühüm töhfə verdiyi vurğulanıb.
Bəyanatda həmçinin cütlüyün ailəsinə “bu çətin dövrdə göstərdikləri dəstəyə və XİN ilə əməkdaşlığa görə” təşəkkür edilib.
Xarici İşlər Nazirliyi cütlüyü geri qaytarmaq üçün iki yüksək rütbəli konsulluq məmurunun olduğu təyyarə göndərib və onlar səhər saat 6-dan sonra İsrailə çatıblar.