PKK Avropanın mərkəzində türklərə hücum etdi – 8 YARALI
28-10-2017 11:24
PKK terror təşkilatı Belçikanın Anvers şəhərində nümayiş keçirib.
Terrorçular Abdulla Öcalanın posterləri ilə Türkiyə vətəndaşlarının sıx olduğu Brederode küçəsinə axışıb.
Onlar müxtəlif sşüarlar səsləndirərək türkləri qarşıdurmaya təhrik edib. Hadisə nəticəsində 1-i polis olmaqla, 8 nəfər müxtəlif dərəcəli xəsarətlər alıb. 50-dən çox PKK-çı həbs edilib. Polis təşkilat üzvlərinin qarşısını ala bilmək üçün bibər qazından istifadə edib.
Qeyd edək ki, Belçika məhkəməsi PKK-nın terror təşkilatı olmadığına qərar verib. Buna görə də bu ölkədə tez-tez PKK-nın nümayişlər keçirməsinə icazə verilir.