Hacıqabulda avtomobil yük maşınına çırpıldı: 58 YAŞLI QADIN AĞIR XƏSARƏT ALDI
2-01-2019 15:37
Baxış sayı:
4771
Hacıqabul rayonunda baş verən yol qəzasında 1 nəfər ağır xəsarət alıb.
Muxalifet.az “Report”a istinadən xəbər verir ki, hadisə Bakı-Qazax magistralının rayonun Atbulaq qəsəbəsi ərazisindən keçən hissəsində qeydə alınıb.
Belə ki, “Mercedes” markalı avtomobil hərəkətdə olarkən arxadan sement daşıyan DAF markalı avtomobilə çırpılıb. Nəticədə avtomobildə olan sərnişin - Ucar rayonunun Şilyan kənd sakini, 1960-cı il təvəllüdlü Hacıyeva Zərqələm ağır xəsarət alıb.
Yaralı Şirvan Şəhər Xəstəxanasının Reanimasiya şöbəsinə yerləşdirlib. Yüngül xəsarət alan 3 nəfərə isə ambulator yardım göstərilib.
Faktla bağlı araşdırma aparılır.