2013 ildən bu yana Suriyadakı üsyançı qruplarla görüşlərə başlayan İsrailin Qolan və Kuneytra başda olmaqla, Suriyanın müxtəlif yerlərindəki 7 terror qrupuyla əlaqəyə keçib.
 
ABŞ mərkəzli “Foreign Policy” qəzetində dərc olunan Yelizaveta Tsurkov imzalı məqalədə isə İsrailin Suriyada 2013-cü ildən bəri terror qruplarına pul və silah yardımı etdiyini yazıb. Suriyanın cənubunda, İsrail sərhədinə yaxın bölgələrdə terror qruplarının dəstəklənməsində əsas məqsədin İran dəstəkli milis qrupların sərhəd bölgəsinə yaxınlaşmasına əngəl olmaq istədiyi ifadə edilib.
Ağır silahlar, texnikalar və qaubitsa qurğularının İsrail işğalı altındakı Qolan Təpələrini Suriyaya bağlayan üç nöqtədən terror təşkilatlarına təslim edildiyi ifadə edilərkən, İsrailin dəstəklədiyi 12 müxalif qrup içindəki döyüşçülərə ayda 75 dollar maaş ödədiyi və təşkilatların qara bazardan daha çox silah ala bilməsi üçün əlavə vəsaitlər təsis etdiyi qeyd edilib.
 
MKİ-nin ARTIQLARINA DƏSTƏK
 
ABŞ-ın iki fərqli qurumu MKİ və Pentaqonun öz aralarındakı çəkişməni Suriyada hesablaşmağa çevirməsi İsrailin hiyləgər planını aşkara çıxarıb. 2016-ci ilin fevral ayının ortalarında MKİ-nin Səudiyyə Ərəbistanındakı bazasından təmin etdiyi TOW antitank raketlərini verdiyi Liva Fursan əl Colan qrupu, Hələbdə Pentaqonun dəstəklədiyi YPG terrorçularına hücum edib. MKİ dəstəkli Sukur əl-Cəbəl qrupu da Mare-də Pentaqon dəstəkli YPG döyüşçülərinin təcavüzünə məruz qalıb. Amerikan "Müştərək Əməliyyat Mərkəzinin (MOM)" hücumları təşkil edə bilməməsi ABŞ-da böhrana yol açıb. Hücumlarla bağlı hazırlanan hesabatda İsrailin də bu qruplara dəstək verdiyinin qeyd olunmasıyla gözlər İsrailə çevrilib. İsrail dəstəyi alan ən az yeddi qrupun kimliyi təsdiq olunarkən İsrail hərbi texnika, pul, lojistik və tibbi dəstək verdiyini əvvəl inkar edib. “Jerusalem Post” qəzetində dərc olunan xəbərdə İsrailli yüksək səviyyəli şəxslərin bu iddiaları qəbul etdiyi ortaya çıxıb.
 
İSRAİL ORDUSUNA SIĞINDILAR
 
Suriyada qruplar arasında daxili hesablaşma və Rusya-İran-Suriya rejiminin birgə əməliyyatlara başlamasından sonra küncə sıxışan İsrailin pul və sursat dəstəyi verdiyi qruplardan Liva Fursan el-Colan lideri Həzrəti Nassar, Elviye Seyf zövcə-Dəməşq lideri Əhməd Nahhas, Ceyş el-Ebabil lideri Əla əl-Əxlaqi və Liva Fursan el-Colan liderlərindən Əbu Nassar 22 iyulda Suriyadan qaçıb, İsrail ordusuna sığınıblar. İsrail tam da bu əsnada İran qoşunlarının sərhəd xəttindən 50 mil (80 km) geri çəkilməsini ehtiva edən razılıq səbəbindən 2018-in iyulundan etibarən bu qruplara verdiyi dəstəyi dayandırdığını bildirib. Ancaq iddiaların əksinə meydançada hər keçən gün ortaya çıxan yeni dəlillər, İsrailin bu qruplardan başqa, fərqli qruplara da dəstəyinin davam etdiyinə işarə edir.
Bu arada bir başqa mənbə isə Ammandakı MKİ mərkəzli Hərbi Əməliyyatlar Komandanlığı tərəfindən 2018-in yanvarına qədər dəstəklənən maaş və sursat dəstəyi alan on minlərlə adamın Tramp rəhbərliyinin ödəmələri dayandırmaq qərarından sonra İsrailin dəstəyini almağa başladıqlarını və bu dəstəyin davam etdiyini bildirib.
Müxalifət.az