Az öncə xəbər verdiymiz kimi,  işğalçı ölkə növbəti hərbi təlimlərə hazırlaşır. 
“24 sentyabr - 5 oktyabr tarixlərində görünməmiş miqyaslı və xarakterli strateji hərbi təlimlər keçiriləcək”. 
Moderator.az xəbər verir ki, bu  məlumat Ermənistan Müdafiə Nazirliyinin "Zinuj" informasiya-klipində yayılıb.  
“Bütün ölkə və hər kəsin iştirak edəcəyi unikal müdafiə tədbiri... Gəlin hərbi təlimlərdə iştirak edək! "-deyə məlumatda bildirilir.
"Müdafiədən hücuma, düşmənin məhvinə qədər!", -  işğalçı ölkə əhalisinə ünvanlanmış video-klipdə belə deyilir.
P.S. “Müdafiədən hücuma!” devizini əsrlərdən bəri olan-qalan torpağının daha 20 faizi 30 ilə yaxındır  işğal altında qalan Azərbaycan  irəli sürmək yerinə, həyasızlığın kulminasiya nöqtəsini fəth etmiş işğalçı ölkə car çəkir...