"Mitinq üçün Lökbatandakı yer ayrılıbsa, oraya getmək lazımdır" - ERKİN QƏDİRLİ

"Bizim toplumda yertanımayla bağlı ciddi problem var".

Bunu 16 saylı Yasamal seçki dairəsinin lider namizədi, REAL-çı Erkin Qədirli "Facebook" hesabında paylaşım edib.

E.Qədirli bildirib ki, mitinq üçün Lökbatanda yer ayrılıbsa, ora da getmək lazımdır:

"Kütləvi tədbirlər, o cümlədən etiraz toplantıları icazəli və ya razılaşdırılmış yerlərdə olmalıdır. Bir halda ki, mitinq üçün Lökbatandakı yer ayrılıb, oraya getmək lazımdır. "Situativ qavrama" adlanan bir anlayış var (daha çox hərbçilər işlədirlər). Harada olduğunu bilmə, ilk dəfə olsa belə gəldiyin yeri tanıma və s. kimi qavramları içinə alır. Bu, əslində, yalnız hərbdə deyil, həyatın əksər sahələrində yararlı olan bir anlayışdır. Bizim toplumda yertanımayla bağlı ciddi problem var. Nəticənin mənfi, hətta təhlükəli olacağı bilinsə də, eyni yanlış seçimlər edilir"./Yenisabah