Mayor Ziya Kazımov ev dustaqlığına buraxıldı - Prezidentə müraciət nəticə verdi

Baxış sayı:
994

Bir müddət öncə həbs olunan Vətən müharibəsinin iştirakçısı, mayor Kazımov Ziya Məhəddin oğlunun işi ilə bağlı Bakı Hərbi Məhkəməsində proses keçirilib.

Unikal.org xəbər verir ki, hakim Camal Ramazanovun sədrliyi ilə keçirilən prosesdə Z.Kazımovla bağlı seçilən həbs-qətimkan tədbiri ev dustaqlığı ilə əvəz edilib.

Z.Kazımovun ev dustaqlığına buraxılması üçün Prezident İlham Əliyev və Birinci vitse-prezident Mehriban Əliyevaya müraciət olunmuşdu.

Qeyd edək ki, Vətən müharibəsi iştirakçısı Ziya Kazımov Cəbrayıl-Füzuli, Cəbrayıl-Hadrut, Hadrut-Füzuli yolunun tam təhlükəsizliyini, o cümlədən, Xüsusi Təyinatlı Qüvvələrin təminat yollarının mühafizəsini təmin etmişdir. Hadruta ilk girən komandirlərdən biridir. Ziya Kazımovun tabeliyində olan hərbi hissə Şuşa ətrafındakı yüksəkliklər uğrunda şərəflə döyüşərək, 44 günlük Vətən müharibəsində düşməni yüzlərlə canlı qüvvə və texnika itkisinə məruz qoyub.