Feysbuk Rusiya ilə bağlı olan 500, o cümlədən “sputnik ” agentliyinin 7 səhifəsini silib.
Muxalifet.az xəbər verir ki, bu barədə “sputnik ” agentliyinin mətbuat xidməti informasiya yayıb.
Agentlik şirkətin bu qərarının siyasi motivli olduğunu və senzura xarakteri daşıdığını bildirib.
“Sputnik ” redaksiyaları xəbərlərlə məşğul olur və bunu çox yaxşı bacarır. Əgər səhifələrin bloklanması Feysbukun mətbuatın keyfiyyətli işinə verdiyi yeganə reaksiyadırsa, o zaman problem yoxdur, burada hər şey açıqdır”, - agentlikdən bildirilib.
Qeyd edək ki, Feysbuk Rusiya ilə bağlı 364 səhifəni sosial şəbəkədə şübhəli fəaliyyət icra etməkdə ittiham edərək bağlayıb. Bundan əlavə daha 107 Feysbuk səhifəsi ilə 41 instaqram səhifəsi sahiblərinin özlərini ukraynalılar kimi qələmə verərək hava, etirazlar, NATO və məktəblərdəki sanitar vəziyyətlə bağlı məlumatlar yaydığı üçün silinib.