Bakıda toyda 3 nəfəri bıçaqlayan saxlanıldı

Baxış sayı:
7753

Bakıda 3 nəfəri bıçaqlayan şəxs saxlanılıb. Muxalifet.az-ın DİN-ə istinadən xəbər verir ki, noyabrın 1-də saat 22 radələrində 3 nəfərin bıçaq xəsarəti ilə xəstəxanaya gətirilməsi barədə Xəzər RPİ-nin 3-cü Polis Bölməsinə məlumat daxil olub. Araşdırmalarla Binə qəsəbəsi ərazisində yerləşən şadlıq sarayında baş vermiş münaqişə zəminində Ceyhun adlı şəxsin onlara bıçaqla xəsarət yetirməsi müəyyən edilib. Cinayəti törətməkdə şübhəli bilinən Ordubad rayon sakini C.Məmmədov saxlanılıb. Xəzər Rayon Polis İdarəsində araşdırma aparılır.