“Bu gün erməni agenturasından danışırıq, hələ mən 2016-cı ildə Bakıda ermənilərin Azərbaycan mediasında özlərini möhkəmlətməsi haqqında danışanda heç kim reaksiya vermirdi. Ermənilər Rusiya üzərindən Azərbaycan mediasına nəzarət götürülməsini deyirəm”.
Muxalifet.az xəbər verir ki, bu haqda tanınmış jurnalist Mürtəza Bünyadlı özünün Facebook səhifəsində yazıb.
Onun sözlərinə görə,  Rusiyadakı erməni lobbisi bu ölkənin üzərindən Azərbaycan mediasını nəzarətə götürməyə nail olub: “Rusiyadakı erməni lobbisi buna çox məharətlə nail oldu. Bunun bir bariz nümunəsi SPUTNİK.Az saytıdır. Onun başında duran Əziz Əliyev də ermənilərə xidmət edir... Burada nə var ki?! Çünki Əziz Əliyev 90-cə illərdə Türkmənistandan qaçıb və hələ də bu şəxs Türkmənistanda arzu olunmaz şəxs hesab edilir. Persona no qratdır... Ancaq erməni dayıları hesabına, ona görə ki, onun ANASI ERMƏNİDİR.. Və onlar ona Moskvada day-daylıq etdilər... Günün birində isə Azərbaycana göndərdilər.
İndi də burada at oynatmaqla məşğuldur. Geniş faktları yazıb başınızı yormaq istəmirəm. Lazım olsa, faktları da sadalaram...”.

Muxalifet.az

Redaksiyadan: Qarşı tərəfin mövqeyini dərc etməyə hazırıq.