AZƏRBAYCANDA DAHA 36 NƏFƏR KORONAVİRUSDAN ÖLDÜ - Son sutka ərzində yoluxma sayında ciddi artım qeydə alınıb

Baxış sayı:
380

Azərbaycanda koronavirus (COVID-19) infeksiyasına 2 414 yeni yoluxma faktı qeydə alınıb, 1 695 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 36 nəfər vəfat edib.

İndiyədək ölkədə ümumilikdə 285 993 nəfərin koronavirus infeksiyasına yoluxması faktı müəyyən edilib, onlardan250 708 nəfər müalicə olunaraq sağalıb, 3 915 nəfər vəfat edib. Aktiv xəstə sayı 31 370 nəfər təşkil edir.

Son sutka ərzində yeni yoluxma hallarının müəyyənləşdirilməsi ilə əlaqədar 13 248, bu günə qədər isə ümumilikdə 3 018 445 test icra olunub.