Aralıq dənizində güc balansı Türkiyənin xeyrinə dəyişib. Daxili İşlər Nazirliyi İkili Siyasi məsələlər və Dənizçilik Aviasiya Sərhəd baş direktorunun köməkçisi səfir Çağatay Erciyes Şərqi Aralıq dənizindəki kontinental şelf və xüsusi iqtisadi zona (MEB) sərhədlərini göstərən xəritəni tvitter hesabından paylaşıb. Xəritə Liviya Milli Barışıq Hökuməti Prezident Şurasının sədri Fəyaz Əl Sərracla Türkiyə prezidenti Rəcəb Tayyib Ərdoğan arasında imzalanan memorandum əsasında dəyişib. Bu razılaşma Türkiyənin Şərqi Aralıq dənizində sərhəd qonşusu olan bir ölkə ilə bölgədəki strateji haqlarını qorumaq məqsədilə imzaladığı ilk anlaşma kimi tarixə düşüb. Türkiyənin razılaşmadan qazancı: - Türkiyə ilə Liviya arasında sərhədlənən dəniz hakimiyyəti sahələrinin hüquqi zolağı Yunanıstan-Cənubi Kipr-Misir arasında qalxan formasında yerləşdi. - Cənubi Kipr ilə Yunanıstanın müdafiə etdiyi Sevr müqaviləsinə uyğun Sevilya xəritəsi ilə Türkiyəni 41 min kvadratkilometr dəniz sahəsinə həbs etmək qayəsi ilə aparılan hesablar pozuldu. - Razılaşma ilə Yunanıstan nə Cənubi Kipr, nə də Misir ilə sərhəd anlaşması əldə edə biləcək. Beləliklə, Türkiyə həm bölgədə üstünlük qazanacaq, həm də energetika geosiyasətinə birbaşa təsir gücü olacaq.//publika