Ermənistanın müdafiə naziri David Tonoyan avqustun 30-da Xankəndinə səfər edib. Publika.az Erməni KİV-inə istinadən xəbər verir ki, bu haqda Ermənistanın Müdafiə Nazirliyindən bildirilib. Tonoyan Dağlıq Qarabağ separatçı rejimin “müdafiə naziri” Karen Abraamyan ilə görüşüb. Tonoyanın Abraamyanın müşayiəti ilə Dağlıq Qarabağın şimal və şərqdəki hərbi postlara baş çəkdiyi, əməliyyat-taktiki vəziyyətlə və hərbi mövqelərin möhkəmləndirilməsi üçün aparılan son işlərlə tanış olduğu bildirilir. Erməni nazirin işğal altındakı Azərbaycan torpaqlarına səfəri rəsmi İrəvanın sülh danışıqlarına qarşı növbəti təxribatı kimi qiymətləndirilə bilər. Ekspertlər rəsmi İrəvanın bu kimi addımlarının yeni müharibə riskini artırdığını qeyd edirlər.