SON DƏQİQƏ! SEPAH QƏRARGAHINA HÜCUM EDİLDİ: İranın məşhur komandanı öldürüldü, xeyli sayda silah ələ keçirildi

Baxış sayı:
608

İranda “Sepah”ın qərargahına hücum olub, bir “Sepah” komandanı öldürülüb.

Konkret.az İran mənbələrinə istinadla xəbər verir ki, İranın “Mərkəzi” vilayətində yerləşən Xomeyn şəhərində azadlıq tərəfdarı olan bir qrup gənc “Sepah”ın Aerokosmik Qüvvələrinin bu şəhərin ətrafında yerləşən qərargahlarından birinə hücum edib.

Onlar bir neçə saatlıq qərargahı nəzarətdə saxlamağa, eləcə də çoxlu sayda silah və digər döyüş vasitələrini qənimət götürməyə nail olublar.

Bir neçə saat sonra isə həmin qərargah, yəni “Ruhullah Sepahı” yaydığı rəsmi məlumatda hadisəni təsdiq edib və qərargahın komandanı Mehdi Mükərrəminin baş vermiş atışmada öldürüldüyünü bildirib.

Məlumata əsasən, bir qrup silahlı şəxs Xomeyn şəhəri ətrafında yerləşən “Sepah” qərargahlarından birinin silah deposuna hücum edib. Nəticədə tərəflər arasında atışma baş verib və həmin əsnada qərargahın komandanı Mehdi Mükərrəmi güllə yarası alaraq ölüb.