Müsavat başqanının həbsdə olan müavini Tofiq Yaqublunun qızı Nərgiz Yaqublu Rusiyanın Tomsk şəhərində, müalicə aldığı xəstəxanada vəfat edib. Qeyd edək ki, o, gənc yaşında yoluxduğu ağır xəstəlikdən xeyli müddətdir müalicə olunurdu və durumu kritik vəziyyətdə idi. Nə yazıq ki, bu gənc, gözəl, bu gün-sabah ana olacaq xanım ağır xəstəliyə qalib gələ bilmədi və bütün sevənlərini, dostlarını, iş və əqidə yoldaşlarını qəhərə boğdu.

Muxalifet.az satirik şair Mirzə Sakitin vaxtilə Nərgiz Yaqublu haqda yazdığı şeiri dərc edir:

Qürurlanıb deyəcəm ki, Liderimiz əvəzsizdir, O Nərgizdir.

Bir bayrağin kölgəsində milyonlara - Qalxın- deyən

Buxovlanmış Xalqa bu gün hökm edənə, hökm eləyən

Həqiqətdən, haqdan doğan gur səsiylə nur ciləyən,

Dalğaları şahə qalxan, uğultulu bir dənizdir

O Nərgizdir

Mətinliklə addimlayır günəşli bir kainata

Sol tərəfdə arkadaşı, sağ tərəfdə məğrur ata

Yuz illiyin paklığıyla imza atib Müsavata,

O imzadan sevə-sevə nur götürən nur bənizdir

O Nərgizdir

Onun səsi gələn gündən biz də bir az ucalmışıq

Onunla bir siradayıq, demirəm ki, qocalmışıq

Sözümüzlə, izimizlə duşmənlərdən öc almışıq

Yol axtardiq iz axtardiq, düşmək üçün o ,bir izdir

O Nergizdir

Harayında Inqilaba yol göstərən üsyan səsi

Baxışında həsrət dolu Azadlığın salnaməsi

Meydanlarda hayqıraraq yatanlara Qalx! deməsi,

Atillaya, Babur şaha, Gürqan xana o ekizdir!

O Nergizdir

Inaniram - Bir səsinə səs verəcək milyon ərən,

Cəsarətli addımıyla Liderlərə yol göstərən

Yad ellərdə soruşsalar Lideriniz kimdi görən,

Qürurlanıb deyəcəm ki, Liderimiz əvəzsizdir,

O Nərgizdir.