Rusiyanın Novorossiysk şəhərində benzinin azad satışı dayandırılıb.

"AzPolitika" xəbər verir ki, bu barədə şəhər administrasiyasının bələdiyyə idarəetmə mərkəzi məlumat yayıb.

Rəsmi açıqlamada bildirilir ki, hazırda yanacaqdoldurma məntəqələrində benzin tükənib. Avtomobillərin yanacaqla təminatı yalnız xüsusi yanacaq kartları vasitəsilə həyata keçirilir. Bələdiyyə mərkəzindən verilən məlumata görə, dizel yanacağı isə hələlik yalnız 8 yanacaqdoldurma məntəqəsində mövcuddur.

Qeyd olunur ki, yanacaq kartlarını yalnız fərdi sahibkarlar və hüquqi şəxslər öz müəssisələrinin nəqliyyat vasitələrini təmin etmək üçün rəsmiləşdirə bilərlər. Bu kartlardan isə yalnız xidməti avtomobillərin istifadə etməsinə icazə verilir.

Xatırladaq ki, Ukrayna pilotsuz uçuş aparatlarının Rusiyanın neft emalı zavodlarına təşkil etdiyi mütəmadi hücumlar səbəbindən bir müddətdir Rusiyanın bir çox regionlarında və işğal olunmuş Ukrayna ərazilərində benzin qıtlığı yaranıb. Artıq ölkənin azı 80 subyektində yanacaq satışına tam və ya qismən məhdudiyyətlər tətbiq olunub. Rusiya Dövlət Statistika Komitəsinin (Rosstat) son məlumatlarına görə responds, ölkədə yanacaq qiymətləri sürətlə bahalaşmaqda davam edir.