İsrailin Livana zərbələri nəticəsində son sutka ərzində 13 nəfər ölüb
28-04-2026 19:47
Baxış sayı:
122

Son sutka ərzində İsrail Hərbi Hava Qüvvələrinin Livanın cənub-şərqinə endirdiyi aviazərbələr nəticəsində azı 13 nəfər ölüb, 59 nəfər yaralanıb.
Bu barədə məlumatı Livanın Səhiyyə Nazirliyi "X" sosial şəbəkə hesabında paylaşıb.
"Martın 2-də hərbi eskalasiya başlayandan bəri ölənlərin ümumi sayı 2 534-ə, yaralananların sayı isə 7 863-ə çatıb", - nazirliyin məlumatında qeyd olunub.
Bildirilib ki, İsrailin Livanın cənubunda və şərqindəki "Hizbullah" obyektlərinə hücumlarını davam etdirdiyini nəzərə alaraq, ölənlərin və yaralananların sayı arta bilər.




















