Azərbaycanda son illər əmlak bazarında ciddi bahalaşma müşahidə edilir. Xüsusən də paytaxt Bakıda artıq ev sahibi olmaq sözün əsl mənasında mümkünsüz bir hala çevrilib.

Məlumat üçün qeyd edək ki, hazırda Azərbaycanda vergilər və məcburi sosial ödənişlər çıxıldıqdan sonra vətəndaşın əlində qalan orta aylıq maaş 458 dollar (779 manat) təşkil edir. Şəhərin kənar ərazilərində mənzillərin 1 kv.metrinin orta satış qiyməti isə 1 135 dollar (1930 manat) səviyyəsindədir. Belə ki, əgər vətəndaş qazandığı maaşı heç bir xərcləmə etmədən toplasa, şəhər kənarında yerləşən 60 kv.metr sahəsi olan bir mənzili almaq üçün ona təxminən 12,4 il vaxt lazımdır.

Müqayisəyə əsasən, Azərbaycan bu göstərici üzrə Avropa ölkələri, keçmiş SSRİ respublikaları və qonşu dövlətlər arasında ən son pillədə qərarlaşıb. Siyahının ilk sırasında Belçika yer alır və burada orta aylıq gəlirlə 60 kv.metr mənzil almaq üçün 5 il kifayət edir. 

Keçmiş SSRİ ölkələri arasında ən yaxşı nəticə Latviyada qeydə alınıb. Bu ölkədə vətəndaş orta maaşını xərcləmədən toplasa, 6,7 ilə şəhər kənarında 60 kv.metr mənzil ala bilər.

Qonşu ölkələr arasında isə ən əlverişli vəziyyət Türkiyədə müşahidə olunur. Türkiyə ümumilikdə Avropada da mənzil əldə etmək baxımından ən münasib ölkə sayılır. Burada orta aylıq əməkhaqqını toplayaraq 5,2 ilə 60 kv.metr mənzil sahibi olmaq mümkündür.

Digər ölkələrdə isə vəziyyət aşağıdakı kimidir:

- Belçika orta aylıq əmək haqqı 3 162 dollar, 1 kv.m mənzilin orta qiyməti 3 178 dollar, 5 ilə almaq mümkündür.

- Danimarka orta aylıq əmək haqqı 4 380 dollar, 1 kv.m mənzilin orta qiyməti 4 359 dollar, 5 ilə almaq mümkündür.

- Türkiyə orta aylıq əmək haqqı 1 060 dollar, 1 kv.m mənzilin orta qiyməti 1 103 dollar, 5,2 ilə almaq mümkündür.

- Finlandiya orta aylıq əmək haqqı 3 135 dollar, 1 kv.m mənzilin orta qiyməti 3 339 dollar, 5,3 ilə almaq mümkündür.

- İsveç orta aylıq əmək haqqı 3 434 dollar, 1 kv.m mənzilin orta qiyməti 4 061 dollar, 5,9 ilə almaq mümkündür.

- Almaniya orta aylıq əmək haqqı 3 579 dollar, 1 kv.m mənzilin orta qiyməti 4 310 dollar, 6 ilə almaq mümkündür.

- İrlandiya orta aylıq əmək haqqı 3 594 dollar, 1 kv.m mənzilin orta qiyməti 4 299 dollar, 6 ilə almaq mümkündür.

- İtaliya orta aylıq əmək haqqı 1 988 dollar, 1 kv.m mənzilin orta qiyməti 2 503 dollar, 6,3 ilə almaq mümkündür.

- Niderland orta aylıq əmək haqqı 4 023 dollar, 1 kv.m mənzilin orta qiyməti 5 141 dollar, 6,4 ilə almaq mümkündür.

- İspaniya orta aylıq əmək haqqı 2 148 dollar, 1 kv.m mənzilin orta qiyməti 2 765 dollar, 6,4 ilə almaq mümkündür.

- Kipr orta aylıq əmək haqqı 2 059 dollar, 1 kv.m mənzilin orta qiyməti 2 681 dollar, 6,5 ilə almaq mümkündür.

- Norveç orta aylıq əmək haqqı 4 014 dollar, 1 kv.m mənzilin orta qiyməti 5 350 dollar, 6,7 ilə almaq mümkündür.

- Fransa orta aylıq əmək haqqı 2 937 dollar, 1 kv.m mənzilin orta qiyməti 3 942 dollar, 6,7 ilə almaq mümkündür.

- Latviya orta aylıq əmək haqqı 1 359 dollar, 1 kv.m mənzilin orta qiyməti 1 811 dollar, 6,7 ilə almaq mümkündür.

- Böyük Britaniya orta aylıq əmək haqqı 3 380 dollar, 1 kv.m mənzilin orta qiyməti 4 679 dollar, 6,9 ilə almaq mümkündür.

- Litva orta aylıq əmək haqqı 1 607 dollar, 1 kv.m mənzilin orta qiyməti 2 269 dollar, 7,1 ilə almaq mümkündür.

- Belarus orta aylıq əmək haqqı 742 dollar, 1 kv.m mənzilin orta qiyməti 1 116 dollar, 7,8 ilə almaq mümkündür.

- Qazaxıstan orta aylıq əmək haqqı 599 dollar, 1 kv.m mənzilin orta qiyməti 928 dollar, 7,8 ilə almaq mümkündür.

- Avstriya orta aylıq əmək haqqı 3 180 dollar, 1 kv.m mənzilin orta qiyməti 5 000 dollar, 7,9 ilə almaq mümkündür.

- Polşa orta aylıq əmək haqqı 1 768 dollar, 1 kv.m mənzilin orta qiyməti 2 839 dollar, 8 ilə almaq mümkündür.

- Estoniya orta aylıq əmək haqqı 1 896 dollar, 1 kv.m mənzilin orta qiyməti 3 157 dollar, 8,3 ilə almaq mümkündür.

- Rumıniya orta aylıq əmək haqqı 1 105 dollar, 1 kv.m mənzilin orta qiyməti 1 963 dollar, 8,9 ilə almaq mümkündür.

- İsveçrə orta aylıq əmək haqqı 7 704 dollar, 1 kv.m mənzilin orta qiyməti 14 058 dollar, 9,1 ilə almaq mümkündür.

- Ukrayna orta aylıq əmək haqqı 490 dollar, 1 kv.m mənzilin orta qiyməti 914 dollar, 9,3 ilə almaq mümkündür.

- Özbəkistan orta aylıq əmək haqqı 500 dollar, 1 kv.m mənzilin orta qiyməti 940 dollar, 9,4 ilə almaq mümkündür.

- Gürcüstan orta aylıq əmək haqqı 540 dollar, 1 kv.m mənzilin orta qiyməti 1 049 dollar, 9,7 ilə almaq mümkündür.

- Rusiya orta aylıq əmək haqqı 868 dollar, 1 kv.m mənzilin orta qiyməti 1 771 dollar, 10,2 ilə almaq mümkündür.

- Portuqaliya orta aylıq əmək haqqı 1 340 dollar, 1 kv.m mənzilin orta qiyməti 2 982 dollar, 11,1 ilə almaq mümkündür.

- Moldova orta aylıq əmək haqqı 764 dollar, 1 kv.m mənzilin orta qiyməti 1 745 dollar, 11,4 ilə almaq mümkündür.

- Ermənistan orta aylıq əmək haqqı 635 dollar, 1 kv.m mənzilin orta qiyməti 1 531 dollar, 12,1 ilə almaq mümkündür.

- İran orta aylıq əmək haqqı 255 dollar, 1 kv.m mənzilin orta qiyməti 618 dollar, 12,1 ilə almaq mümkündür.

- Azərbaycan orta aylıq əmək haqqı 458 dollar, 1 kv.m mənzilin orta qiyməti 1 135 dollar, 12,4 ilə almaq mümkündür.

E. Bəyməmmədli