“BMW” piyadanı vurdu - Polis yaxınlarını axtarır

Baxış sayı:
418

Oktyabrın 10-da axşam saatlarında Göygöl rayonunun Yeni Qızılca kənd ərazisində “BMW” markalı avtomobil yolu keçmək istəyən piyadanı vurub. Piyada hadisə yerində ölüb. 

DİN-in Mətbuat Xidmətinin Gəncə regional qrupundan verilən məlumata görə, piyadanın üzərindən heç bir sənəd aşkar olunmayıb. 

Həmin kişinin əlamətləri belədir: yaşı  50-60 arası, boyu 163 sm, arıq bədən quruluşlu, saçları qara, gözlərinin rəngi aladər. Əynində qara kostyum, boz köynək və qara şalvar olub.

Şəkildə gördüyünüz kişini tanıyanlardan və barəsində məlumatı olanlardan DİN-in “102 Zəng Mərkəzi” Xidmətinə, həmçinin Göygöl Rayon Polis Şöbəsinə və (022) 205-22-79; (055) 545-11-02 şəhər və mobil nömrələrinə zəng vuraraq məlumat vermələri xahiş olunur. 

“BMW” piyadanı vurdu- Polis yaxınlarını axtarır