AZƏRBAYCANDAN ERMƏNİLƏRƏ DƏSTƏK VERƏN LİVANA 1 MİLYON DOLLARLIQ YARDIM - Baş nazir Əli Əsədov sərəncam imzaladı

Baxış sayı:
2452

Baş nazir Əli Əsədov Livana maliyyə yardımı edilməsi ilə bağlı sərəncam imzalayıb. 

Muxalifet.az xəbər verir ki, bununla bağlı Nazirlər Kabineti məlumata yayıb. 

Bildirilib ki, 2020-ci il 4 avqust tarixində Livan Respublikasının paytaxtı Beyrut şəhərində baş vermiş güclü partlayış çoxsaylı insan tələfatına və irimiqyaslı dağıntılara səbəb olub. 

Bununla əlaqədar Azərbaycan Respublikası Nazirlər Kabinetinin 2003-cü il 2 iyun tarixli 74 nömrəli Qərarı ilə təsdiq edilmiş “Dövlət büdcəsinin Ehtiyat Fondunun vəsaitindən istifadə Qaydaları”nın dördüncü hissəsinə əsasən, baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə bir milyon ABŞ dollarının manat ekvivalenti məbləğində vəsait ayrılacaq. 

Azərbaycan Respublikasının Maliyyə Nazirliyi bu sərəncamın 1-ci hissəsi ilə ayrılan vəsaitin müəyyən olunmuş qaydada ödənilməsini təmin edəcək.

Bu sərəncam imzalandığı gündən qüvvəyə minir.