AZƏRBAYCANDA HƏRBİ VƏZİYYƏT ELAN OLUNDU - Bəzi şəhər və rayonlarda isə komendant saatı tətbiq olundu / YENİLƏNİB

Baxış sayı:
972

Milli Məclisin bu gün keçirilən iclasında ölkə ərazisində hərbi vəziyyətin tətbiq edilməsi, bəzi şəhər və rayonlarında komendant saatının elan olunması barədə qərar qəbul edilib.
Bu barədə APA-ya açıqlamasında deputat Hikmət Babaoğlu deyib.
O bildirib ki, bu qərar Azərbaycan Prezidenti tərəfindən 48 saat müddətində təsdiq ediləcək: “Nəhayət, Azərbaycanın işğal altında olan torpaqlarının işğaldan azad olunması vaxtı gəlib çatıb. Müvafiq şəhər və rayonlarda yaşayan əhalini hərbi vəziyyətin və komendant saatının tələblərinə uymağa çağırırıq”.

Deputat qeyd edib ki, komendant saatı elan edilməsi ilə bağlı vəziyyət DİN-in səlahiyyətinə verilib: “Müvafiq şəhər və rayonlarda komendant saatı da tətbiq olunacaq”.

***

Milli Məclisin təcili iclası başlayıb.
İclasda Ermənistanın Azərbaycana qarşı hərbi təxribatı və Azərbaycanın uğurlu əks-hücum əməliyyatı müzakirə olunur.
Müzakirələrin sonunda müvafiq qərar qəbul olunacaq.