KİM ÇEN IN YENƏ "AXTARILIR" - Onun Pxenyana qayıtmadığı bildirilir...
23-05-2020 23:49
Baxış sayı:
2211
Koreya Xalq Demokratik Respublikasının (KXDR) lideri Kim Çen In Şimali Koreyanın Vonsane şəhərindədir. O, mayın əvvəlində tikinti materialları zavoduna səfər etdikdən sonra Pxenyana qayıtmayıb. Yaponiya və Cənubi Koreya KİV-nə istinadla bu barədə “Cursorinfo” nəşri xəbər verib.
Cənubi Koreya KİV-i də öz növbəsində Ina yaxın mənbələrə istinad edib. Onun indiyə qədər nə üçün geri dönməməsi dəqiqləşdirilmir.
KİV yazır ki, guya KXDR lideri geniş ictimaiyyətdən kənar fəaliyyət göstərir - ordu hissələrinə səfərlər edir, raket və digər strateji silahların işlənib hazırlarmasını izləyir.
Xatırladaq ki, bundan əvvəl məbuat ölkə liderinin ağır xəstə olduğu və hətta öldüyü ehtimalını irəli sürmüşdü. Aprelin 12-dən bəri onu görən olmayıb.